బిగ్ బాస్ సీజన్-9 లో ఫ్యామిలీ వీక్ ముగిసింది. ఇక నిన్నటి శనివారం నాటి ఎపిసోడ్ లో కంటెస్టెంట్స్ యొక్క ఫ్యామిలీ మెంబర్స్ అండ్ సెలెబ్రిటీ వచ్చారు.

స్టేజ్‌పై భరణి తల్లి విజయలక్ష్మితో పాటు నాగబాబు రాగానే భరణి సర్ ప్రైజ్ అయిపోయాడు. వాళ్లని చూడగానే.. సాష్టాంగ నమస్కారం చేశాడు భరణి. థాంక్యూ గురువుగారూ.. ఇంత బిజీలో కూడా నేకోసం రావడం.. అస్సలు నమ్మలేకపోతున్నానంటూ భరణి ఎమోషనల్ అయ్యాడు. బిగ్ బాస్ హౌస్‌లో నాకు ఇంతకుమించిన మంచి మూమెంట్ లేదు సర్. ఇది చాలు నా లైఫ్‌కి. ఇదే బెస్ట్ మూమెంట్. నా గురువు నా తల్లి ఇద్దరూ నా కోసం వచ్చారు. చాలు సర్. ఇది చాలు. జీవితాంతం రుణపడి ఉంటాను సర్ అని భరణి చేతులెత్తి మొక్కారు. బిగ్ బాస్ ఆటే కాదు.. హోస్టింగ్ కూడా అంత ఈజీ కాదు. ఇంతమందిని బ్యాలెన్స్ చేయడం అనేది.. చాలా కష్టం. కానీ వాళ్లని మిస్టర్ కూల్‌‌లా కంట్రోల్ చేసి గాడిలో పెట్టడం నాకు చాలా బాగా నచ్చిందంటూ నాగార్జునని పొగిడేశాడు. నా తమ్ముడు నాగబాబు, భరణికి గురువు ఎలా అయ్యాడని అడిగాడు. గురూ లేదూ ఏమీ లేదు.. అతనేదో గోల చేయడం తప్ప.. అదేం లేదు. భరణి నాకు తమ్ముడు లాంటి వాడు. మేమిద్దరం కలిసి రెండు సీరియల్స్ చేశాం. భరణి చాలా అగ్రిసివ్‌గా ఉండేవాడు. బాక్సింగ్ ప్రాక్టీస్ చేసేవాడు. మంచి పవర్ లిఫ్టర్. చాలా లావుగా ఉండేవాడు. నేనన్నా.. చిరంజీవి, పవన్ కళ్యాణ్ గారన్నా చాలా అభిమానం. మెగా ఫ్యాన్ భరణి. మేమిద్దరం అలా బాగా క్లోజ్ అయ్యాం. బాక్సింగ్ నేపథ్యం వల్లో ఏమో కానీ కానీ ఎవర్నైనా కొట్టి మాట్లాడేవాడు. ఎవరైనా తేడాగా మాట్లాడితే ఫస్ట్ మొహంపై కొట్టేసి మాట్లాడేవాడు. చాలా అగ్రిసివ్ ఫెలో. ఇప్పుడు కనిపించే భరణికి అప్పటి భరణికి చాలా తేడా ఉంది. ఇప్పుడు పూర్తిగా మారిపోయాడు కానీ నాకు పరిచయం అయినప్పుడు భరణికి కోపం ఎక్కువ. నేను చాలాసార్లు తిట్టేవాడ్ని. అలా కొట్టకూడదు, ఆవేశం వద్దని చెప్పేవాడ్ని. ఇప్పుడు ఎంత సాఫ్ట్ అయిపోయాడంటే.. నువ్వు వెళ్తున్నావ్ కానీ.. అక్కడ ఎవర్నీ కొట్టకు. చేయి ఎత్తొద్దని చెప్పాను. కానీ ఇక్కడికి వచ్చిన తరువాత మరీ గంగిగోవులా అయిపోయాడు. 

నాకు ఇది కూడా నచ్చలేదు. ఓవర్ సాఫ్ట్ అయిపోయాడు. చేయి కట్టుకోమంటే నోరు కూడా కట్టేశాడు. ఎక్కువ చెప్పానేమో అనిపిస్తుందని నాగార్జున అన్నాడు. చూడు భరణి.. బిగ్ బాస్ ఆట అంటే అంత ఈజీ కాదు. నేనే హౌస్‌లో ఉండి ఉంటే.. చివరి ఇరవై నాల్గవ గంటలో అయినా బయటకు వచ్చేసేవాడ్ని. ఇన్ని రోజులు ఉన్నారంటే మామూలు విషయం కాదు. అన్నీ కంట్రోల్ చేసుకుని ఉన్నారు. భరణి చాలా బాగా ఆడుతున్నాడు. అక్కడ ఆడుతున్న వాళ్లలో నీ కన్నకూతురు ఉన్నా కూడా టఫ్‌గా ఫైట్ చేయాలి. ఎదుటివాళ్లు నీపై గట్టిగా మాట్లాడుతున్నప్పుడు తిరిగి నువ్వు గట్టిగా మాట్లాడు. అలా మాట్లాడిన సందర్భంలో నాకు బాగా నచ్చింది. కానీ ఎప్పుడైతే నువ్వు సైలెంట్ అవుతున్నావో నచ్చలేదు. గట్టిగా ఫైట్ చేయి. మంచి వ్యక్తి గేమ్‌లో విన్నర్ అవ్వాలని కోరుకుంటున్నానని భరణిని నాగార్జున బ్లెస్ చేశాడు.